Казанның туган якны өйрәнү белгече Илсур Метшинга Державин һәйкәлен ачу турында үзенчәлекле тарихи документ тапшырды

Казанның туган якны өйрәнү белгече Илсур Метшинга Державин һәйкәлен ачу турында үзенчәлекле тарихи документ тапшырды

<div class="detail-picture"> <div class="callout callout-blue"> <p> Казан мэры Илсур Метшин шушы көннәрдә танылган туган якны өйрәнүче һәм популяр «Тарихи Казан» блогы авторы Руслан Бикуев белән очрашты. Очрашу шәһәр мэриясе бинасында узды. Руслан Бикуев шәһәр башлыгына кыйммәтле тарихи артефакт – 1847 елда Казанда бөек шагыйрь һәм дәүләт эшлеклесе Гавриил Державинга һәйкәл ачу вакытында әйтелгән чыгышның чын нөсхәсен тапшырды. </p> <p> </p> </div> <div class="detail-picture"> <br> <img src="https://kzn.ru/upload/iblock/60f/60f0bdbee35a9ec878d7a2a1b49d6651.jpg"> <p class="detail-picture__caption"> Денис Гордийко фотосы<br> </p> </div> <p> Казан мэры Илсур Метшин шушы көннәрдә танылган туган якны өйрәнүче һәм популяр «Тарихи Казан» блогы авторы Руслан Бикуев белән очрашты. Очрашу шәһәр мэриясе бинасында узды. Руслан Бикуев шәһәр башлыгына кыйммәтле тарихи артефакт – 1847 елда Казанда бөек шагыйрь һәм дәүләт эшлеклесе Гавриил Державинга һәйкәл ачу вакытында әйтелгән чыгышның чын нөсхәсен тапшырды. </p> <p> Руслан Бикуев Казан тарихы белән балачактан ук кызыксына. Ә менә Казан турында мәгълүматлар һәм архив фотосурәтләре куелып бара торган «Тарихи Казан» блогын җиде ел алып бара. </p> <p> «Без гаҗәеп бай, күп катламлы тарихка ия шәһәрдә яшибез, ләкин еш кына моңа игътибар итмибез, вакыт агышын сизмичә, алга чабабыз. Минем шәһәребездә, без көн саен карап уза торган биналарда булган тарихи вакыйгаларның байлыгын күрсәтәсем һәм аларның әһәмиятен билгелисем килә», - дип, Бикуев, үзенең эшчәнлеген аңлатты. </p> <p> Туган якны өйрәнүче сүзләренчә, тикшеренү эшләре барышында ул еш кына үзенчәлекле артефактларга һәм материалларга юлыга. Мондый эшләр барышында кешеләр үз табышлары белән уртаклаша яки аңа хәтта шәхси архивларын васыять итеп калдыралар икән. </p> <p> Нәкъ менә шундый эзләнү эшләре барышында блогер архив документларында түбәндәге сүзләр язылган текстны таба: «Гавриил Романович Державин һәйкәлен ачу тантанасында Казанның икенче класслы Зилант монастыре дин гыйлемчесе, Казан император университеты укытучысы һәм кавалеры архимандрит Гавриил тарафыннан әйтелгән нотык». Нотык 1847 елда Казан император университеты (хәзерге Казан федераль университеты) территориясендә әйтелгән. </p> <p> Мондый табылдыкны күреп, Руслан Бикуев артефактны шәһәргә бүләк итәргә карар кыла. </p> <p> «Мондый кыйммәтле артефакт киштәләрдә тузан җыярга тиеш түгел, ул шәһәр байлыгы буларак әһәмиятле, - дип ассызыклады ул. – Бу документ шәһәребез тарихындагы мөһим вакыйганы чагылдыру белән беррәттән, Казанның Россия данын еракларга танытуга өлеш керткән бөек шәхесләр белән тирән элемтәсен дә ачыклый». </p> <p> Мэр блогерга кыйммәтле артефакт өчен рәхмәтен белдерде. </p> <p> «Державин һәйкәле – Казанның һәм аның тарихының аерылгысыз өлеше. Державинның язмышы безнең өчен гаять әһәмиятле. Шунысы кызык, һәйкәл белән шәһәр өчен мөһим булган башка исемнәр дә бәйле – башта һәйкәл куелган Казан университеты ректоры Николай Лобачевский, һәйкәлне яңа урынга күчерү тәкъдиме белән чыккан Бутлеров исемнәре... Сезнең шәһәргә ясаган бүләгегез ул ерак заманнарга капка ача. Сезнең шәһәр тарихы белән ихластан кызыксынып, моның белән күпсанлы язылучыларыгызны мавыктыруыгыз безнең өчен аеруча кыйммәтле. Шуңа күрә мин сезгә бу документ өчен генә түгел, ә мөһим эшчәнлегегез өчен дә рәхмәт белдерәм», - диде Илсур Метшин Руслан Бикуевка. </p> </div> <br>

2025-12-30T12:45:18+0300