Казанлыларны «100ФОТО» фотокүргәзмәсендә катнашырга чакыралар

Сурәтләр белән экспозиция Васильченко исемендәге скверда урнаштырылачак.

(Казан шәһәре KZN.RU, 12-нче август). Казанлыларны ТАССРның 100 еллыгына багышланган «100ФОТО» фотокүргәзмәсендә катнашырга чакыралар. Төп шарт - фотографияләр Киров һәм Мәскәү районнары территориясендә ясалырга тиеш.

Экспозициягә төрле елларда төшерелгән фотосурәтләрне кертү планлаштырыла. Бу җитди портретлар, хис-кичерешләр тулы тере фотографияләр, районнарның панорамалы күленешләре, фотографлар өчен үзенчәлекле урыннар булырга мөмкин.

Эшләр 17-нче августка кадәр, авторын һәм исемен күрсәтеп, түбәндәге электрон почтага кабул ителә: km-smi@mail.ru. Күргәзмәдә профессиональ фоторәссамнар да, һәвәскәрләр дә катнаша ала.

Күргәзмә 19-21-нче августта Васильченко исемендәге скверда узачак, дип хәбәр итә Киров һәм Мәскәү районнары администрациясенең матбугат хезмәте.

Шулай ук укыгыз

Барлык вакыйгалар