Гипс кашпога рәсем төшерү, чәй тантанасы һәм лекторийлар: «Черек күл»дә зур чәчәк маркеты узачак

(Казан шәһәре KZN.RU, 24 нче август). Бу шимбә көнне «Черек күл» паркында зур чәчәк маркеты ачылачак. Очрашуда 30 дан артык катнашучы үсемлекләр һәм декоратив эшләр тәкъдим итәчәк.

Программада: хна белән рәсем ясау, гипс кашпога рәсем төшерү, чәй тантанасы, органика кабул итү һәм биогумус сату. Мәйданчыкта шулай ук үсемлекләрдән композицияләр галереясы һәм «Табигать – безнең йорт» фотозонасы барлыкка киләчәк.

Традицион чәчәк свопында казанлылар үсемлекләр (алар сәламәт булырга тиеш), чәчәк ботаклары, кашпо, чүлмәкләр һәм ашлама белән алмаша алачак.

Кунакларны ачык лекторий да көтә. 13:00 сәгатьтә Дарина Садикова бүлмә үсемлекләренең файдасы, ә 15:00 сәгатьтә Оксана Бажина өйдә «джунгли»ны ничек тиз һәм зур инвестицияләрсез булдырырга кирәклеге турында сөйләячәк.

Зур чәчәк маркеты 12:00 сәгатьтә ачылачак һәм 20:00 сәгатькә кадәр дәвам итәчәк, дип хәбәр итә шәһәрнең Парклар һәм скверлар дирекциясе.