«Тот та үзең эшлә!»: Казан яшьләре өчен көндәлек тормышта кирәкле күнекмәләргә өйрәтү остаханәләре уздырыла

Казанның яшүсмерләр клубында уздырыла торган «Тот та үзең эшлә!» проекты кысаларында бу атнаның якшәмбе көнендә, 29 мартта, «Модуль» клубында файдалы остаханәләр уздырыла.

Дәресләрдә Казан яшьләрен көндәлек тормышта кирәкле күнекмәләргә өйрәтәчәкләр. Яшүсмерләргә сантехника, балта остасы, электрика, эретеп ябыштыру нигезләре, тегү, бәйләү, шулай ук өстәл әзерләү һәм җыештыру юнәлешләре тәкъдим ителә. Остаханәләр 15:30 сәгатьтә эшли башлый. Теләге булган яшьләрне Габишев урамы, 14а адресы буенча көтәләр.

Чарада катнашу өчен социаль челтәрдәге «Модуль» клубы төркеме хәбәрләрендә гариза калдырырга кирәк.