Татарстан Республикасы Милли музее инвалидлар декадасына кушылачак

Программада – күзәтү экскурсияләре, музей-педагогика дәресләре, интерактив чаралар, лекцияләр һәм башкалар.

Фото: Казан шәһәре KZN.RU

(Казан шәһәре KZN.RU, 24-нче ноябрь). ТР Милли музее һәм аның филиаллары 1-10-нчы декабрьдә узачак Инвалидлар декадасына кушылачак.

«Вконтакте» социаль челтәрендәге музей аккаунтында онлайн-форматта күзәтү экскурсияләре, музей-педагогик дәресләре, интерактив һәм танып белү-күңел ачу чаралары, лекцияләр, иҗади кичәләр, очрашулар, концерт программасы һәм дәресләр оештырылачак.

Шулай ук декада көннәрендә инвалид балалар һәм аларның әти-әниләре өчен мастер-класслар, квестлар узачак, сурдо- һәм тифлокомментарийлар белән фильмнар күрсәтеләчәк, дип хәбәр итә ТР Милли музее матбугат хезмәте.

5-6-нчы декабрьдә ТР Милли музеенда «Музей һәркем өчен дә» бөтенроссия акциясе узачак.

Шулай ук укыгыз

Барлык вакыйгалар