Казанда әдәби фестиваль кунаклары Леонид Клейн һәм Петр Налич булачак

Фото: Денис Гордийко

(Казан шәһәре KZN.RU, 4 нче сентябрь). Казанда һәм Татарстанның башка 10 шәһәрендә ачык һавада «ЛитЛето» әдәби-агарту фестивале узачак. Төп локация булып Кремль яр буе ягыннан ТР Милли китапханәсе территориясе торачак.

Фестивальдә басмалар белән алмашырга һәм тематик фотозонага барырга мөмкин булачак. 18:00 сәгатьтә калын китапларны нәрсә өчен укырга кирәклеге турында лекция белән филолог, радио алып баручы һәм язучы Леонид Клейн чыгыш ясаячак.

Ә 19:30 да концерт программасы старт ала. XX гасырның шәһәр романсларын һәм фольклор җырларын музыкант һәм «Евровидение-2010» катнашучысы Петр Налич башкарачак.

«ЛитЛето» фестивале 16:00 сәгатьтә башлана. Катнашу өчен сылтама буенча теркәлергә кирәк, дип хәбәр иттеләр ТР Милли китапханәсе матбугат хезмәтендә.