Казанлыларны рәсем ясау буенча бушлай курсларга чакыралар

(Казан шәһәре KZN.RU, 2-нче август). Казанда «Рәсем яса, Казан» проекты старт алды. Барлык теләүчеләр дә аңа кушыла һәм иң киң таралган рәсем жанрларын үзләштерә ала. Дәресләр Кремль яр буенда уза.

Быел беренче дәрес 4-нче августка планлаштырылган. Бу көнне укытучылар шәһәр халкын натюрморт ясарга өйрәтәчәкләр.

11-нче августта дәрес балалар рәсемнәренә багышланачак, 18-нче августта укучыларны пейзаж ясарга өйрәтәчәкләр. Проектның соңгы дәресе 25-нче августка планлаштырылган – ул көнне проектта катнашучылар ирекле стильдә рәсем ясаячаклар.

Дәресләр 12.00 сәгатьтән 14.00 сәгатькә кадәр үткәрелә, дип хәбәр итә оештыручылар.