Казан 2024 елда БРИКС уеннарын кабул итәчәк

(Казан шәһәре KZN.RU, 27 нче июль). БРИКС илләре уеннары Казанда 2024 елның июнендә узачак. Бу хакта РФ Спорт министрлыгы башлыгы Олег Матыцин Россия - Африка саммиты кысаларында «Спорт: Россия һәм Африка дуслыгы күпере» сессиясендә чыгыш ясаганда хәбәр итте.

«Без Казаннан БРИКС уеннарын 20-23 нче июньдә уздыру турында раслау алдык. Программа 25 спорт төрен үз эченә алачак, милли командаларны, башка илләрдән командаларны чакырачакбыз», - диде министр.

Шулай ук 2024 елда ТР башкаласында БРИКС дәүләт башлыклары очрашуы узачак.

Хәзерге вакытта БРИКС составына Россия, Бразилия, Һиндстан, Кытай һәм Көньяк Африка Республикасы керә.