Казанда «Кунакчыллык йолдызлары – 2024» төбәкара бәйгесе старт алды

Казанда «Кунакчыллык йолдызлары» өченче төбәкара бәйгесенә гаризалар кабул ителә башлады. Бәйгегә гаризаларны 2025 елның 10 гыйнварына кадәр электрон рәвештә бәйгенең рәсми сайтында бирергә мөмкин. Шунда ук катнашу шартлары һәм тәртибе турында тулы мәгълүмат урнаштырылган.

Бәйгене февраль аенда уздыру планлаштырыла. Катнашучыларны кунакчыллык тармагының 40 тан артык эксперты, шулай ук тотрыклы үсеш өлкәсендәге белгечләр бәяләячәк.

Бәйге ике этапта уздырыла. Беренчесендә – сайлап алу буенча – катнашучыларга өй эшен башкарырга туры киләчәк. Тур нәтиҗәләре буенча жюри финалистларны сайлап алачак, алар Казанда ярышларга кушылачак.

Быел җиңүчеләрне 11 номинациядә игълан итәчәкләр.

Быелның яңалыгы «Казанның тотрыклы туризмны үстерү өлкәсендәге иң яхшы оешма» дигән махсус номинация булды.

Йомгаклау этабында һәр номинациядә өч җиңүчене игълан итәчәкләр. Аларга кубок, «Кунакчыллык йолдызы – 2024» дипломы, 50 мең сум күләмендә акчалата сертификат һәм башка бүләкләр тапшырылачак.

Фестивальнең амбассадорлары исемлегенә быел Казан һәм ТР отельерлары һәм рестораторлары ассоциациясе идарәсе әгъзалары Зөфәр Гаязов, Михаил Шәрипов, Римма Гарипова, «Семья блогеров» комьюнитисына нигез салучы Светлана Лола керде. Алар проектны һөнәри тирәлектә алга этәрәчәк – бу максатчан аудиторияне киңәйтергә ярдәм итәчәк.

Исегезгә төшерәбез, 2023 елда 10 номинациядә иң яхшы исем өчен Россиянең 22 шәһәреннән 120 кеше көрәште.