Казанда Хач ману бәйрәмендә коенулар дүрт купельда узачак

19 гыйнварда, Хач ману бәйрәмендә, Казан храмнарында бәйрәм гыйбадәтләре, ә 11:00 сәгатьтән суны тантаналы рәвештә изгеләндерү булачак.

Бу көнне Казанда купельлар 22:00 сәгатькә кадәр дүрт адрес буенча эшләячәк: Ферма шоссесы ягыннан Югары Кабан күлендә «Сокол» кафесы янында; Югары Кабан күлендә Борисково урамындагы 54 нче йорт янында; Изге Мәрьям Ана иконасы чиркәве янындагы «Живоносный источник» часовня-купелендә (5 нче Кадыш ур., 12); шулай ук Изге Преподобная Бөек газап чигүче Евдокия гыйбадәтханәсе янындагы купельдә (Федосеев урамы, 49).

Йола үткәрү урыннарында гражданнарның иминлеген тәэмин итү өчен гражданнарны яклау хезмәткәрләре, ашыгыч медицина ярдәме һәм полиция хезмәткәрләре җәлеп ителәчәк.