Казанда теркәлгән эшсезлек дәрәҗәсе рекордлы минимумга җитте

Казанда теркәлгән эшсезлек дәрәҗәсе рекордлы минимумга җитте һәм эшче көчләр санының 0,21% тәшкил итте, бу узган ел күрсәткеченнән ике тапкырга диярлек кимрәк (01.07.2023 – 0,37%). 2024 ел башына Казанда рәсми рәвештә теркәлгән эшсезләр саны 1765 булса, 1 нче июльгә аларның саны 1369 га кадәр кимеде. Шул ук вакытта хезмәт ресурслары саны 18100 кешегә арткан һәм 757200 кешегә җиткән, ә хезмәт базары индексы (актив вакансияләргә омтылучылар нисбәте) 3,1 тәшкил итә (ел башына – 3,7 булган).

2024 елның беренче яртыеллыгында шәһәрнең хезмәт һәм мәшгульлек үзәкләренә өч меңнән артык кеше мөрәҗәгать иткән, бу узган елның шул ук чоры белән чагыштырганда ике меңгә кимрәк. Барлыгы 1420 кеше эшкә урнаштырылган.

Хезмәт күрсәтү (28%), сату (16%), җитештерү (13%), мәгариф һәм фән (10%), банклар, иминиятләштерү һәм күчемсез милек (10%), транспорт (5%), медицина (4%), кунакханәләр һәм гомуми туклану (4%) һ.б. өлкәләрдә хезмәт күрсәтүнең иң зур күрсәткече күзәтелә. Эшсез гражданнарны эшкә урнаштыруның уртача вакыты дүрт айдан өч айга кадәр кыскарды.

Казан буенча бүгенгә 15 меңгә якын вакансия игълан ителгән. Бер эшсез кешегә 11 вакансия туры килә, ә ел башында — тугыз иде. Белгечләргә ихтыяҗ зур булган вакантлы эш урыннары тәкъдимнәре сәнәгать (19%), төзелеш (16%), ИТ-технологияләр (11%), транспорт һәм логистика (9%), сәүдә (8%), фән һәм мәгариф (7%), медицина (5%), туристлык һәм кунакханә эше (4%) кебек тармакларда күзәтелә.

Буш эш урыннары мәгълүмат базасы статистикасы буенча, белдерелгән тәкъдимнәр буенча хезмәт хакларының уртача үсеше узган елга карата 19% тәшкил иткән һәм бүгенге көндә уртача хезмәт хакы күләме – 70 мең сум.