«Метроэлектротранс» предприятиесенең Дан аллеясында 1953 елгы ретротрамвай пәйда булачак

Быел «Метроэлектротранс»ның Петербург урамында урнашкан Дан аллеясы 1953 елда чыккан МТВ-82 ретротрамвае белән тулыланачак. Экспонат Казан электр трамваеның 125 еллыгы уңаеннан урнаштырыла. Хәзерге вакытта вагонны торгызу эшләре алып барыла.

Исегезгә төшерәбез, узган ел Казан троллейбусының 75 еллыгына Дан аллеясында ике ретротроллейбус урнаштырдылар: 1948 һәм 1963 елларда чыгарылган МТБ-82 һәм ЗиУ-5. Троллейбуслар предприятие көче белән төзекләндерелде.

Дан аллеясында төрле тарихи чорларга караган дүрт трамвай вагоны һәм ике троллейбус урнаштырылган.