«Водоканал» хезмәткәрләре Яңа ел бәйрәмнәрендә суүткәргечтә 100 дән артык авария очрагын җайга салган

Эшләр тәүлек буе башкарылган

Фото «Водоканал» муниципаль унитар предприятиесе матбугат хезмәтеннән алынды

Казанда Яңа ел бәйрәмнәре вакытында 1–11 гыйнвар көннәрендә «Водоканал» муниципаль унитар предприятиесе хезмәткәрләре тәүлек буе эшләгән. Бу вакыт эчендә суүткәргеч челтәрләрдә 104 тишелеп су агу очрагы җайга салынган, шул ук вакытта 70 объектта төзекләндерү эшләре су бирүне туктатмыйча гына үткәрелгән.

Предприятие эшчеләре агынты сулар челтәрендә 484 чүп тыгылу очрагын җайга салган, бу узган елның шул ук чоры белән чагыштырганда 22 очракка кимрәк. Яңа ел бәйрәмнәре вакытында эш күп булган көн дип 11 гыйнвар билгеләнгән – бу көнне чүп тыгылу очрагын җайга салу мәсьәләсе буенча 53 гариза кабул ителгән, дип хәбәр итә предприятиенең матбугат хезмәте.

«Водоканал» муниципаль унитар предприятиесе канализациягә чит әйберләр ташлау тыелуын һәм моның торак фондыннан файдалануның гамәлдәге кагыйдәләрен бозуын искәртә. Агынты сулар челтәре бары тик көнкүреш агынтылары өчен генә кулланылырга тиеш, азык калдыклары, хайваннарның бәдрәфе өчен каралган тутыргычлар һәм башка предметлар авария очрагы тудыра.

Кар эретү пунктлары да көчәйтелгән режимда эшләгән. 11 көн дәвамында биредә 144 285 тонна кар кабул ителгән – башкарылган эшләр проект куәтеннән дүрт тапкырга диярлек артып киткән.

Шәһәр халкыннан гаризалар авария-диспетчерлык хезмәтенең +7 (843) 231-62-60 телефон номеры аша кабул ителә һәм чират тәртибендә хәл ителә.

Шулай ук укыгыз

Барлык яңалыклар