Бүген Казанда муниципаль парковкаларны кардан чистартачаклар

Кар ташу эшләре сәгать 21:00 дән 6:00 гә кадәр башкарылачак

Марат Мөгыйнов фотосы

Казанда 30 декабрьдән 31 декабрьгә каршы төндә шәһәрнең муниципаль парковкаларында кар чистарту эшләре алып барылачак. Шуңа бәйле рәвештә юлларны тулысынча һәм сыйфатлы итеп чистарту өчен, халыктан күрсәтелгән урамнардагы муниципаль парковка урыннарыннан вакытлыча файдаланмый торуларын сорыйлар, дип хәбәр итә Казанның Тышкы төзекләндерү комитеты.

Әйтик, 30 декабрьдә 21:00 сәгатьтән 31 декабрь 05:00 сәгатькә кадәр кар Короленко урамында (407 һәм 408 нче номерлы), шулай ук Хөсәен Ямашев проспектында (260 нчы номерлы) урнашкан парковкаларда җыештырылачак.

30 декабрьдә 21:00 сәгатьтән 31 декабрь 06:00 сәгатькә кадәр кар үзәк урамнарда түбәндәге парковкаларда җыештырылачак:

Миславский урамы, урамның җөп ягы, Дзержинский урамы белән кисешкән урыннан Карл Маркс урамы белән кисешкән урынга кадәр, шулай ук Карл Маркс урамы белән кисешкән урыннан Большая Красная урамы белән кисешкән урынга кадәр;

Миславский урамы, урамның так ягы, Миславский урамында 11 нче йорттан алып Батурин урамы белән кисешкән урынга кадәр;

Бутлеров урамы, урамның так ягы, Бутлеров урамы буенча 29 нчы йорттан 21 нче йортка кадәр һәм Бутлеров урамы буенча 21 нче йорт буйлап;

Бутлеров урамы, урамның җөп ягы, Айвазовский урамы белән кисешкән урыннан Бутлеров урамы буенча 44 нче йорт буйлап;

Айвазовский урамы, урамның җөп ягы, Роща Фрунзе урамы белән кисешкән урыннан Волков урамы белән кисешкән урынга кадәр;

Петербург урамы, Петербург урамы белән параллель юл, җөп як, Суконная урамы белән кисешкән участокта;

Туфан Миңнуллин урамы, урамның так ягы, Островский урамы белән кисешкән урыннан Петербург урамы белән кисешкән урынга кадәр;

Петербург урамы, урамның ике ягы, Туфан Миңнуллин урамы белән кисешкән урыннан Суконная урамы белән кисешкән урынга кадәр;

Туфан Миңнуллин урамы, урамның ике ягы, Марсель Сәлимҗанов урамы белән кисешкән урыннан Һади Такташ урамы белән кисешкән урынга кадәр;

Петербург урамы, урамның ике ягы, Суконная урамы белән кисешкән урыннан Н.Назарбаев урамы белән кисешкән урынга кадәр;

Әхтәмов урамы, урамның так ягы, Габдулла Тукай урамы белән кисешкән урыннан Шиһабетдин Мәрҗани урамы белән кисешкән урынга кадәр;

Әхтәмов урамы, урамның так ягы, Әхтәмов урамы буенча 19 нчы йорт янындагы участокта, урамның җөп ягы, Сара Садыйкова урамы белән кисешкән урыннан Әхтәмов урамы буенча 26А нчы йортка кадәр;

Сара Садыйкова урамы, урамның так ягы, Сара Садыйкова урамы буенча 63а йортыннан алып Салих Сәйдәшев урамы киселешенә кадәр;

Сара Садыйкова урамы, урамның җөп ягы, Фатыйх Кәрим урамы белән кисешкән урыннан Салих Сәйдәшев урамы белән кисешкән урынга кадәр;

Груздев урамы, урамның так ягы, Чехов урамы белән кисешкән урыннан Волков урамы белән кисешкән урынга кадәр;

30 декабрьдә 21:00–23:00 вакыт аралыгында Волгоград урамындагы, Тунаков урамыннан Декабристлар урамына кадәрге парковкаларны кардан чистартачаклар.

Кышкы җыештыру эшләре 30 декабрьдән 31 декабрьгә каршы төндә 21:00–05:00 вакыт аралыгында Глушко, Рихард Зорге урамнарындагы парковкаларда башкарылачак.

Шәһәр халкына юлга чыгуны һәм транспорт чарасын парковкага куюны планлаштырганда әлеге графикны исәпкә алып эш йөртергә киңәш итәләр.

Шулай ук укыгыз

Барлык яңалыклар