«Яңа елча бизәлгән Казан»: эшмәкәрлек объектларын бәйрәмчә бизәү бәйгесенә 25 гариза юлланган

«Яңа елча бизәлгән Казан»: эшмәкәрлек объектларын бәйрәмчә бизәү бәйгесенә 25 гариза юлланган

<div class="detail-picture"> <img src="https://kzn.ru/upload/iblock/4aa/4aa76f0c59a0d2e04e31fd1b52d2a734.jpg"> <p class="detail-picture__caption"> Денис Гордийко фотосы </p> <p> </p> <p> Татарстан Республикасы башкаласында эшмәкәрлек объектларын бәйрәмчә бизәү буенча «Яңа елча бизәлгән Казан» бәйгесенә бер ай эчендә 25 гариза юлланган. Иҗат ярышларының абсолют җиңүчесе 1 миллион сум күләмендә грант алачак. </p> <p> Бәйге эшләрен шәһәр мохитен формалаштыру белгечләреннән торган эксперт жюри бәяләячәк. Алар арасында – Казанның баш архитекторы Илсөяр Төхвәтуллина, шәһәрнең баш рәссамы Жанна Белицкая һәм Казанны үстерү институты директоры Алексей Горбунов. </p> <p> Шулай ук дизайн, креативлык һәм бәйрәм эстетикасы критерийларын дизайн студиясенә нигез салучы Оксана Шейх, креатив агентлыкның генераль директоры Арина Судакова, флористика һәм декор мәктәбенә нигез салучы Алексей Степанов бәяләячәк. </p> <p> Бәйгедә катнашу өчен социаль челтәрләрдә #КонкурсНовогодняяКазань2026 хештегы белән объектның бәйрәмчә бизәлгәнен тасвирлый торган 1,5 минут дәвамлы видеоролик урнаштырырга кирәк. Ролик тасвирламасында учреждениенең исеме, аның адресы, оештыручы һәм бәйгенең исеме кертелергә тиеш. Шулай ук катнашучыларга, бәйрәмчә бизәлгән объектның өч фотосурәтен һәм роликка сылтаманы теркәп, онлайн <a target="_blank" href="https://forms.yandex.ru/u/692d960ef47e735996da361f/">гариза</a> тутырырга кирәк булачак. Гариза тапшыру кампаниясе 25 гыйнварга кадәр дәвам итә. </p> <p> Алга таба шәһәр мэриясенең KZN.RU рәсми порталында <a target="_blank" href="https://kzn.ru/prinyat-uchastie/oprosy/">сораштыру</a> бүлегендә ачык онлайн-тавыш бирү этабы уздырыла. Әлеге этапта ун лидер өстәмә баллар җыя алачак һәм алар соңрак профессиональ жюри бәясе белән бергә кушылачак. Тавыш бирү 2026 елның 9 февраленә кадәр дәвам итә. </p> <p> «Керү төркемен һәм витриналарны иң яхшы бизәү» номинациясендә алты җиңүчене билгеләячәкләр. Биш җиңүчегә Казан мэры дипломнары һәм акчалата грантлар тапшырылачак. Абсолют җиңүче 1 миллион сум күләмендә грант белән бүләкләнә. </p> <p> Исегезгә төшерәбез, узган ел эшмәкәрлек объектларын бәйрәмчә бизәү бәйгесенә 241 гариза <a target="_blank" href="https://kzn.ru/meriya/press-tsentr/novosti/na-novogodnyuyu-kazan-podana-241-zayavka-rekordnoe-kolichestvo-dlya-konkursa/?lang=ta">тапшырылган</a>. Җиңүчеләрне өч номинация: «Бинаны Яңа елча иң яхшы бизәү», «Эчке яктан Яңа елча иң яхшы бизәү» һәм «Кышкы Казан турында иң яхшы фотоэш» буенча ачыклаганнар. </p> </div> <br>

2026-01-15T14:41:16+0300