Муниципаль спорт учреждениеләре өчен финанс-хуҗалык эшчәнлеген алып бару темасына семинар узды

Казан Мэриясендә учреждениеләрдә финанс-хуҗалык эшчәнлеген алып бару темасына семинар узды. Чарада учреждение җитәкчеләре катнашты. Онлайн-форматта баш бухгалтерлар, контрактлы идарәчеләр һәм учреждениеләрнең юристлары тоташтырылды. Модератор ролендә Казан Мэрының коррупциягә каршы тору мәсьәләләре буенча киңәшчесе Кыям Беляев чыгыш ясады, ул шулай ук бюджет үтәлешен контрольдә тоту һәм учреждениеләрнең финанс һәм башка эшчәнлеген контрольдә тоту чаралары, шулай ук характерлы хокук бозулар турында сөйләде. Финанс идарәсе башлыгы урынбасары Светлана Сагадеева җыелучыларга бюджетның нәтиҗәле үтәлеше һәм учреждениедә финанс сәясәтен гамәлгә ашыру турында сөйләде. Казанның Конкурент сәясәт һәм сатып алулар буенча Дирекциясе җитәкчесе Равил Мөдәрисов 44-ФЗ нигезендә муниципаль заказчылар тарафыннан сатып алулар турында доклад белән чыгыш ясады. Казан муниципаль учреждениеләренә бухгалтерлык хезмәте күрсәтү үзәге идарәче директоры Юрий Синников учреждениеләрнең финанс-хуҗалык эшчәнлегенә нәтиҗәле бухгалтерлык хезмәте күрсәтү турында сөйләде. Чыгышлар тәмамлангач, спикерлар семинарда катнашучыларның күпсанлы сорауларына җавап бирделәр. Кыям Беляев җыелганнарны учреждениенең финанс-хуҗалык эшчәнлеген алып бару мәсьәләләренә җаваплы карарга өндәде һәм вазыйфаи затларның шәхси җаваплылыгы турында искәртте.