Капиталь төзелеш һәм реконструкция идарәсе

«Казан шәһәре муниципаль берәмлеге Башкарма комитетының Капиталь төзелеш һәм реконструкция идарәсе» муниципаль казна учреждениесе Казан шәһәре капиталь төзелеш объектларын инженерлык эзләнү, архитектура-төзелеш проектлаштыру, төзү, реконструкцияләү, капиталь ремонтлау, сүтү өлкәсендә техник заказчы функцияләрен башкара. Россия Федерациясе законнары нигезендә үз эшчәнлеген гамәлгә ашыруга тиешле хокукы бар. Идарәне Сәмигулин Марат Рәшит улы җитәкли.

Идарәнең төп эшчәнлеге: муниципаль милек объектларын проектлаштыру һәм төзү өлкәсенә кагылышлы җирле әһәмияттәге мәсьәләләрне гамәлгә ашыру өлкәсендә үз компетенциясе кысаларында идарә функцияләрен башкару.

Идарә компетенциясе кысаларындагы мәсьәләләр буенча халыкны кабул итү: һәр сишәмбе 14:00 сәгатьтә. Язылу 236-62-62 телефоны буенча көн саен 8:00 дән 18:00 гә кадәр ял көннәреннән тыш.

Ведомство карамагындагы бүлекчәләр юк.

Идарә үз эшчәнлегендә «Казан шәһәре муниципаль берәмлеге Башкарма комитетының капиталь төзелеш һәм реконструкция идарәсе» муниципаль казна учреждениесе турындагы Нигезләмәгә таяна (Казан шәһәр Думасының 2010 елның 29 декабрендәге 25-3 номерлы карарына кушымта).

Урнашу адресы: Казан шәһәре, Груздев урамы, 5 йорт

Телефоннар: 236-62-62 (кабул итү бүлмәсе), 236-65-90 (факс)