Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.11.2020, 10:11

Казан педагогы «Йөрәгемне балаларга бирәм-2020» Бөтенроссия конкурсында абсолют җиңүче булды

Илебезнең өстәмә белем бирү педагоглары арасында үткәрелгән төп конкурсында 35 төбәктән 90 белгеч үз осталыкларын күрсәтте.

Фото: Казан Мәгариф идарәсе

(Казан шәһәре KZN.RU, 25-нче ноябрь). Өстәмә белем бирү өлкәсе хезмәткәрләренең «Йөрәгемне балаларга бирәм» XVI Бөтенроссия һөнәри осталык конкурсы финалында абсолют җиңүгә Казан Авиатөзелеш районы Мәктәптән тыш эш үзәге педагогы Анна Григорьева иреште. Табигый-фәнни юнәлештәге номинациядә дә ул беренче урынны алды. Анна Григорьева балаларга астрономия һәм космонавтиканы «Космос разведчиклары» авторлык программасы буенча укыта. Бүләкләү кичә Санкт-Петербургта узды.

 «Дөресен әйткәндә, мин җиңүче булачагымны бөтенләй көтмәгән идем. Мин башка конкурсантларның чыгышларын күрдем, аларга сокландым, һәм алар арасында чыннан да лаеклы кешеләр бар иде. Бүләкләүдә минем исемемне атагач, мин орбитага очкандай булдым, шулкадәр тетрәндем һәм гаҗәпләндем», - дип сөйләде Анна Григорьева KZN.RU порталына.

Шулай ук «Туристлык-туган якны өйрәнү юнәлеше буенча өстәмә белем бирү педагогы» номинациясендә өченче урынны Казанның «Заречье» үзәге педагогы Аида Горбунова алды.

«Йөрәгемне балаларга бирәм» Бөтенроссия конкурсы 2020 елда уналтынчы тапкыр узды. Ул балаларга өстәмә белем бирү системасының төп педагогик конкурсы булып тора.

Быел конкурсның көндезге этабы Санкт-Петербургта 21-24-нче ноябрьдә узды. 35 төбәктән 90 катнашучы җиңү өчен көч сынашты. Сынаулар арасында - ачык дәрес, импровизация конкурсы һәм мәгариф министрлыгы вәкилләре белән әңгәмә.

Казан Мәгариф идарәсендә хәбәр итүләренчә, киләсе елда конкурсның финалы Татарстан Республикасы башкаласында узачак.

Барлык яңалыклар