Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
12.01.2022, 15:28

Казанлылар «Кыш Бабайга хат» акциясе кысаларында 675 баланың яңа ел хыялын чынга ашырды

Тәбрикләмәләр Башкарма комитетта һәм район администрацияләрендә урнаштырылган алты чыршыда урнаштырылган иде.

Фото: Денис Гордийко

(Казан шәһәре KZN.RU, 12-нче гыйнвар, Ксения Швецова). Казанда 10 нчы мәртәбә «Кыш Бабайга хат» хәйрия акциясе узды. Ул авыр тормыш хәлендә калган балалар өчен яңа ел алдыннан мөһим чара булды. 3 яшьтән алып 12 яшькә кадәр булган 675 бала ярдәмчел шәһәр халкыннан көтеп алынган бүләкләрен кабул итте.

2021 елда ятим, хәйрия фондлары карамагындагы, шулай ук мөмкинлекләре чике булган балалар Кыш Бабайга үзләренең хыяллары белән хатлар язды.

Шәһәр акциясе кысаларында Казанда алты Яңа ел чыршысы куелды: ТР башкаласының Башкарма комитетында, «Татнефть Арена» боз сарае холлында, шулай ук дүрт район администрациясе бинасында.

Иң үзенчәлекле хыял Польша мәдәнияте белән мавыгучы Айгөл исемле кызда иде: Кыш Бабай аңа бию белән шөгыльләнү өчен Польша милли киемен бүләк итте. Ә «Дуслык» балалар приютында тәрбияләнүченең иң изге хыялы тормышка ашты – Ранель исемле малайны тәрбиягә алдылар, дип хәбәр итә Балалар һәм яшьләр эшләре комитеты.

Шундый ук яңа ел акциясен Казанда «Альпари» хәйрия фонды уздырды: теләүчеләрнең социаль челтәрләрдә фонд карамагындагыларның берсенең хатын сайлап алырга һәм аның кышкы тылсымчыга юнәлтелгән үтенечен чынга ашыру мөмкинлеге бар иде. Фонд акциясе ярдәмендә 350 баланың хыялы тормышка ашты. Тагын 350 бала татлы бүләкләр алды.

«Теләкләр арасында гадәти булмаганнары да бар иде – мәсәлән, балалар Кыш Бабайдан чикләвек, чып-чын кокос, алсу төстәге помада сораган, – дип сөйләде «Альпари» фонды директоры Наталья Гыйләҗева. – Тагын кием, уенчыклар, конструкторлар, акыллы колонка, спорт инвентарьлары». Моннан тыш, фонд шәһәрнең өлкән яшьтәге ялгыз яшәүчеләренә 99 бүләк тапшырды, дип өстәде Н.Гыйләҗева.

Бәйрәм алдыннан балаларның теләкләре белән чыршылар Казанның күп функцияле үзәгенең өч офисында да урнаштырылды, анда «Хоспистагы балаларга хис-кичерешләр бүләк ит» акциясе узды. КФҮкә килүчеләр һәм аның хезмәткәрләре хосписның кечкенә пациентлары өчен татлы ризыклар, җиләк-җимеш, акыллы сәгать, ингаляторлар һәм башка күп әйберләр сатып алган, дип хәбәр ителә «Минем документлар» сайтында. Балаларга бүләкләрне Кыш Бабай һәм Кар кызы алып килде, алар Анжела Вавилова исемендәге хосписның кышкы бакчасында Яңа ел тамашасында катнашты.

Барлык яңалыклар