«Иске шәһәр»дә Tat Barcamp антиконференциясе узачак

«Иске шәһәр»дә Tat Barcamp антиконференциясе узачак

<p> Иске Татар бистәсендә үзенчәлекле фикер алышу мәйданчыгын күреп булачак. Бу - сөйләүчеләргә һәм тыңлаучыларга аермыйча, алдан планлаштырылган темалар һәм чыгышларның төгәл расписаниесе булмаган чаралар сериясе. </p> <p>   </p> <p> Tat Barcamp антиконференциясе Татарстан урамы, 20 адресы буенча урнашкан «Штаб» креатив индустрияләр резиденциясендә узачак. Мәйданчык 5, 6 һәм 7 ноябрь көннәрендә эшләячәк. COVID-19 га каршы вакцина ясалганлыгын раслый торган QR-код яки ярты ел дәвамында кичерелгән авыру турында мәгълүмат һәм паспорт булганда, чарага бушлай кереп булачак. </p> <p>   </p> <p> 5 ноябрь көнне 14:00-16:30 вакыт аралыгында Танышу каралган. Кунаклар тест формасында питч-сессиядә катнашачаклар. Монда алар фикер алышу өчен кызыклы сорауларын җиткереп, аларны мөһимлеге буенча төркемнәргә бүләчәкләр. </p> <p>   </p> <p> 6 ноябрьдә 9:30-19:00 вакыт аралыгында Тәҗрибә белән уртаклашу каралган. Бу көнне чакырылган спикерларның чыгышлары, питч-сессияләрдә сайлап алынган темаларга параллель сессияләр көтелә, шулай ук катнашучылар үз тәкъдимнәрен җиткерәчәкләр. </p> <p>   </p> <p> 7 ноябрь көнне 14:30-21:00 вакыт аралыгында Тәкъдимнәрне комиксларга әйләндерү каралган. Чарада питч-сессия һәм дәресләрдән тыш, анимацияле роликлар булдыру буенча остаханә эшләячәк, консультация алып булачак һәм катнашучыларга ачык микрофоннан файдалану мөмкинлеге бирелә. </p>

2021-10-28T10:39:28+0300